ONG CCDC REALIZA SEMINÁRIU MUNISIPÁL
Civil Society Education
Partnership (CSEP) liu husi nia membru ONG ho naran Cablaqui Community Development
Center (CCDC) realiza semináriu munisipál ho tema “ Progresu no Dezafiu
Implementasaun Planu Estratéjiku Edukasaun Nasionál no Objetivu Dezenvolvimentu
Sustentavel ODS-4” ne’ebé hala’o iha munisípiu Manufahi, iha loron 29 Abril
2025
Iha semináriu ne’e Vice
Prezidente Konsellu CSEP, Sr. Francisco de Araujo hato’o nia intervensaun kona-ba
lala’ok servisu CSEP nian nomós nia vizaun no misaun sira ne’ebé foka kona-ba
area edukasaun nian iha Timor-Leste. Tuir nia edukasaun nu’udar setor
importante ida iha Timor-Leste tanba ne’e governu presiza halo investimentu ba
setor refere. Nune’e mós presiza investe tuir nia espesialidade sira atu bele
eleva liu tan kualidade edukasaun iha Timor-Leste.
Atividade ne’e hetan partisipasaun
másimu husi ONGs, Media, Estudante sekundariu, Universitáriu, juventude sira
inklui mos staff CSEP
CSEP HALO LANSAMENTU RELATORIU PESKIZA RUA
MEMBRU KONSELLU FISKÁL CSEP REALIZA REUNIAUN IKUS
ACF REALIZA SEMINÁRIU NASIONÁL
Membru Civil Society Education
Partnership (CSEP) naran ONG Action For Change Foundation (ACF) implementa programa ho tema Sosializasaun
Objetivu Dezenvolvimentu Sustentavel (ODS NO. 4) Asegura Kualidade no Edukasaun
Inkluzivu iha Timor-Leste.
Objetivu prinsipál husi atividade
ne’e atu koalia kona-ba progresu no dezafiu atinjimentu (ODS NO 4) Kualidade
edukasaun iha Timor-Leste. Semináriu ne’e partisipa husi estudante nivel
sekundariu, universitariu, ONGs, média no joventude sira hodi rona, fahe no
diskusaun tópiku interesante kona-ba edukasaun, kualidade, dezafiu, progresu
dezenvolvimentu edukasaun no inkluzividade.
Semináriu refere partisipa husi
oradór na’in tolu mak hanesan Diretór Jeral Ministériu Edukasaun, Sr.
Apolinário Serpa Rosa, Adjunta Gabinete Apoiu Sosiedade Civil Sra. Yasinta
Luzinha C. das Regras nomós reprezentante Akademista Sr. Ananias Soares ne’ebé
fahe sira nia opiniaun nomós perspetiva kona-ba kualidade edukasaun ne’ebé
eziste iha territoriu Timor-Leste
Salaun Asosiasaun HAK, Farol, (2 Julho 2024).
Publikasaun Tenderizasaun Fornesimentu Bileti Aviaun & Catering
Civil Society Education Partnership (CSEP)
loke tenderizasaun ba servisu sira hanesan iha lista ne’e no ba kompania local
sira ne’ebé iha lisensa aktividade negosiu relevante bele aplika mai iha CSEP
liu husi Email : cseptl.net@gmail.com
Data limite ba simu proposta nian too deit iha 14 de Junho de 2024.
CSEP fasilita treinamentu Media no Komunikasaun ba membru sira
CSEP fasilita workshop loron ida kona-ba Gender Equality, Disabilty and Social Inclusion (GEDSI) ba membru CSEP ho objetivu atu kapasita membru NGO sira aplika politika valor GEDSI iha organizasaun ida-idak. Workshop refere partisipa husi Director no Gestor Programa sira husi NGO 13 ne'ebe membru ba CSEP. Maliana, 03 de Junho de 2024CSEP FASILITA TREINAMENTU BA MEMBRU SIRA ANTES HALO PESKIZA IHA TERENU
Civil Society Education
Partnership (CSEP) realiza treinamentu kolesaun dadus ba membru peskizador sira
husi munisipiu 12 inklui RAEOA no Atauro hirak ne’ebé hamahan-an iha Rede
Edukasaun CSEP kona-ba oinsa atu kolekta dadus ho di’ak ba aktividade peskiza ne’ebé
ho tipu rua hanesan "Peskiza ba implementasaun projetu konstrusaun eskola
komunitaria no ezistensia ICT iha eskola Sekundaria iha Timor-Leste".
Atividade ne’e hala’o iha salaun FONGTIL Caicoli, 24 Maiu 2024.
CSEP PARTISIPA DIALÓGU NESESIDADES APRENDIZAJEN HO RMU
SORUMUTU DATOLUK ENTRE MEMBRU KONSELU CSEP BA FULAN MAIU 2024
Membru Konselu Civil Society Education Partership (CSEP) na’in 5 realiza reuniaun datoluk ba fulan Maiu 2024 nian hodi diskuti kona-ba atividade nivel nasionál, rejionál no globál, inklui mós kapasitasaun ba Membru Rede Edukasaun CSEP no aprova kalendáriu ezekusaun fundus CSEP 2024 nian. Sorumutu ne’e hala’o iha sala enkontru CSEP, 9 Maiu 2024
CSEP lamenta ho militante partidu CNRT, tenta halo abuzu de poder iha instituisaun governu
Civil Society Education Patnership (CSEP) nu’udar organizasaun sociedade civil ne’ebé servisu tau matan ba dezenvolvimentu setór edukasaun iha Timor-Leste lamenta tebes ho sidadaun ou militante Partidu CNRT sira ne’ebé tenta atu halo abuzu de poder iha instituisaun governu liu-liu Ministério Edukasaun ba pozisaun Professor / Manorin liu husi dalan ilegal.
Pozisaun ida Professor/Manorin ne’e lolos tenki mai husi méritu adadémiku ida espesiál no la’os liu husi dalan “Rekomendasaun Partidaria” Favor hapara privatizasaun iha edukasaun tanba Timor-oan hotu-hotu iha direitu atu asesu oportunidade edukativa, kualidade no equidade tuir Konstituisaun RDTL.
Iha parte seluk, Professor/a kontratadu rihun ba rihun maka lakon ona sira nia oportunidade hanorin afeita husi desijaun Ministeriu Edukasaun nian hodi hakotu sira nia kontratu servisu no barak mós lakon iha teste durante kompete iha vaga atu sai manorin.
CSEP husu ba Polítiku sira atu kontinua prátika profesionalizmu iha instituisaun estadu hotu-hotu hodi asegura boa governasaun, hakribi KKN, hakribi deskriminasaun hasoru maluk Timor-oan sira seluk, foku ba dezenvolvimentu futuru RDTL ho justu no laran moos hamutuk ho povu.
Ikus liu – RDTL ba Timor-oan Hotu !
Media CSEP, 06 de Maio de 2024
