CSEP HUSU BA MEJD ATU HALO INVESTIGASAUN BA KAZU ESKOLA ENSINO 3_ CICLO LAIKARA, IHA MUNICIPIO LAUTEM.

Hare Ba imajen nebe’e sirkula iha media social kona ba asaun fiziku hodi hakanek   Alunus Jacson Vilela husi Profesor “Armindo Da Silva”CSEP husu atu kria lalais investigasaun hodi bele hetan faktus kredibel husi akontesimentu ida ne’e , nune’e la hamosu tan problemas foun hodi fo impaktu ba prosesu aprendizajem iha eskola refere nomos iha municipio sira seluk.

CSEP ninia observasaun iha fulan hirak liu ba akontesimentu baku no hakanek estudantes sira sempre akontese bebeik, CSEP husu atu hahalok sira ne’e tuir los la bele aplika ba estudantes sira tamba Eskola hanesan fatin nebe’e hetan konfiansa hodi eduka labarik sira no prepara sira ho siensia nebe’e diak no kualidade lahos ho asaun fiziku hodi hafraku sira ninia mentalidade nebe’e fo impaktu atu sira la badinas ba eskola nomos baruk estuda, CSEP husu ba professor/as atu hanorin ho kalma e professional nune’e kria relasaun diak ho alunos sira atu nune’e iha relasaun harmonia no hakmatek e mos seguru iha eskola nomos aulas laran.

CSEP rekomenda ba MEJD hodi fo kbi’it ba eskola sira husi municipio tomak atu bele kria sistema kontrola ho regulasaun interna husi eskola idak-idak bazea ba kondisaun eskola ne’e rasik  no involve inan-aman sira, autoridade lokais,polisia komunitaria, lia nain, igreja  no grupu joventude, husi involvimento ida ne’e bele hamosu regulasaun interna ida nebe’e forte nomos aseitabel atu bele aplika iha eskola ne’e rasik hodi nune’e fasil atu kontrola alunus sira bazea ba konkordansia hamutuk hanesan lei ou normais atu alunus no autoridades hotu tenke respeita no konsideira. 

Ho razaun ida ne’e CSEP fiar prosesu manorin entre alunus ho professor/as sei la ho hakmatek no seguru no sei la mosu tan asaun fiziku iha eskola hotu-hotu.

“Remata”