Kona-bá
Peskiza Youth-led Action Research (YAR)
Youth-led Action Research
(YAR) hanesan programa peskiza aksaun joventude nian ida ne’ebe implementa
susesu ona iha nasaun tolu hanesan India, Indonezia no Filipina iha tinan
2017-2018 husi parseiru Asia South Pacific Association for Basic and Adult
Education (ASPBAE). Bazeia ba istoria susesu ne’e maka iha tinan ida ne’e YAR
primeira-vez implementa iha Timor-Leste iha tinan 2019-2020 parseria entre
Civil Society Education Partnership (CSEP) ho intensaun atu kapasita no involve
juventude ho idade entre 15 – 24 mak kategoria joventude iha Timor-Leste hodi
halo peskiza ba kondisaun edukasaun, jeneru no empregu joventude nian iha
Munisipiu lima hanesan Aileu, Ainaro, Ermera, Liquiça no Bobonaro ne’eb’e sei
foka liu ba Suco ida iha kada Munisipiu ida ne’ebe identifikadu ona tuir
mata-dalan CSEP nian.
Objetivu
- Atu hasaé partisipasaun ativu
joven sira nian iha edukasaun no asesibilidade ba auto-empregu iha nivel
Suco.
- Atu identifika bareira, desafiu
no buka estratéjia solusaun ba joven sira nia potensialidade rasik iha
ida-idak nia Suco ne’ebe sira hela bá.
- Hamutuk buka maneira no
estratéjia atu tulun malu entre joven sira liu husi partisipasaun ativu no
promove aktividade kreativu sira hanesan oportunidade edukasaun
não-formal, kriasaun auto empregu no promove igualidade jéneru.
- Halo advokasia ho autoridade
kompetente atu hadia politika governu ba nesesidade joventude
marjinalizadu sira nian
Komentariu :
👪Edukasaun Ne'ebé Kualidade Ba Hotu-Hotu Iha Timor-Leste
