Bazeia ba realidade impaktu kazu infesaun COVID-19 iha Timor-Leste, liu-liu iha Munisipiu Dili, Baucau, Lautém no Covalima hanesan kazu bai-bain ne’ebé laos perigozu liu hanesan akontese iha rai seluk tamba maioria pasiénte sira iha Timor-Leste kondisaun diak hela maibe tenki obriga ba hela iha karantina hodi kumpri presaun husi parte saúde no iha lamentasaun barak husi pasiénte katak sira la-simu ou la satisfaz ho situasaun ou kondisaun iha karantina laran.
Maka, liu husi biban ida ne’e,
CSEP hanesan organizasaun sosiédade sivíl ne’ebé servisu iha area edukasaun no
joventude hakarak atu hato’o ba governu no estadu ou makaér ukun sira atu
kontinua nafatin aperta ho regra husi Ministériu da Saúde atu sukat distansiamentu
sosiál iha Timor-Leste laran tomak, fase
liman ho regular no taka portu entrada sira maibe tenki loke ou fo flexibilidade ba movimentu ba aktividade negosiu, eskola, servisu no atendimentu públiku sira atu povu labele
hasoru difikuldade hanesan agora dadaun liu-liu komunidade no joventude
marjinalizadu sira ne’ebé hela iha area rural.
CSEP konsidera, ukun nain sira
han toba deit tur fulan simu osan hodi goza but diak maibe kuitadu liu ba povu
bai-bain no joventude sira ne’ebé laiha servisu no estudante sira ne’ebé hela
iha Kos no difisil atu selu eskola, selu kos, sosa aihan no nesesidade sira seluk.
Ukun nain sira labele hanoin ba imi nia-án maibe favor tempu ruma lao ba
munisipiu sira ne’e hodi rona lian husi sira ne’ebe hela iha nivel rural, sira
sei koalia situasaun realidade ba ita bot sira.
“Remata”
