Prezidente Civil Society Education Partnership (CSEP),
Veronica de Souza hateten CSEP fó formasaun ba iha joventude sira husi munisípiu
Aileu, Ermera, Bobonaro, Liquisa no Ainaro kona-ba partisipa ativu iha
edukasaun iha area remotas.
Prezidente Civil Society Education Partnership (CSEP),
Veronica de Souza hateten CSEP fo formasaun ba iha joventude sira husi
munisipiu Aileu, Ermera, Bobonaro, Liquisa no Ainaro kona ba partisipa ativu
iha edukasaun iha area remotas.
Nia hateten, objetivo husi formasaun ne’e oinsa atu identifika joven liu-liu sira ne’ebe mak vulneravel liu ne’ebe la hetan asesu ba edukasaun.“Formasaun ne’e ita foka liu ba area edukasuan nian liu-liu atu halo peskija ba partisipasaun foinsa’e iha edukasaun iha area remotas,” nia dehan iha Fundasaun Alola, Dili.
Nia dehan, peskija ne’e oinsa atu haree ba partisipasaun joven feto no mane iha area edukasaun nian iha area remotas. “Depois peskija ne’e remata, ami sei hato’o ba fundos nain husi Filipina no mos ami sei hato’o ba ita nia governo, nune’e ita nia governo sira bele tau iha politika ba rezultado husi peskiza ne’ebe ami iha,” nia dehan.
Nia dehan, sira fo importansia ba peskiza tanba iha Timor ne’e seidauk iha peskiza barak liu-liu iha area remotas nian atu identifika saida mak joven sira nia hakarak.
Nia hateten, sira halo uluk ba munisipio lima ne’e hanesan pilotu, iha posibilidade sei extende ba munisipio seluk. Iha parte seluk Sekretaria Estadu Igualidade no Inkluzaun (SEII), Maria Jose Moniz de Jesus hateten ne’e inisiativa diak atu bele hakbi’it joven vulneravel husi munispio lima ne’e, liu-liu sira ne’ebe seidauk asesu ba edukasaun.
“Ita hotu hatene, iha area peskija iha Timor ema ladun barak mak envolve, liu-liu joven sira maibe ohin hau haksolok tebes tanba ita haree kuaze numero feto- mane hanesan, hatudu katak organizasaun ne’e iha sensibilidade atu fo formasaun edukasuan, la’os deit ba mane sira maibe ba mos feto sira,” nia dehan.
Nia espera, katak rezultadu husi peskija ne’ebe mak joven sira sei halo iha munisipio hirak ne’e sei fo rezultado ne’ebe diak hodi ajuda governo kria politika ne’ebe bele kria kondisaun hanesan ba ema hotu atu asesu ba saida deit mak estado iha atu fornese ba sidadaun sira. Iha fatin hanesan Reprezentante Formado husi Munisipio Ermera Luis Martins hateten ne’e formasaun ne’ebe diak, ajuda sira halo peskiza kona ba joven iha edukasaun nian.
“Ami sei lori rezultado ne’ebe diak mai hato’o ba governu hodi bele kria kondisaun ne’ebe diak ba joven sira iha area remotas tuir ejijensia ne’ebe mak sira hato’o,” nia dehan.
Publika iha: 16 Maio 2019
Autor:
Celestina Soares, TDW
Komentariu :
