CSEP ejiji ba MEJD atu investiga Koordenador Eskola EBF no 214 Hatulia, Ermera

March 18, 2021


      Mizia do Carmo hanesan estudante husi eskola EBF 214 Manulete Suco Coliate Leotelo Postu Administrativu Hatolia Municipio Ermera hetan baku husi Koordenador eskola refere ho naran Sr. Americo Maia iha loron 18 de Marsu de 2021.

      Tuir fontes husi familia vitima katak Koordenador EBF baku estudante Mizia do Carmo laiha razaun ruma no vitima refere hakfodak iha kadera leten wainhira Koordendor baku nia derepenti deit to'o nia hetan kanek bot iha nia rentoos.
Ho aktu husi Koordenador Eskola refere, CSEP husu ba Ministeriu Edukasaun, Joventude no Desportu (MEJD) atu investiga no fo sansaun todan ba ninia hahalok refere tamba eskola fatin atu aprende no eduka laos fatin ba responsavel eskola nian atu hatudu aktu krime hasoru estudante liu-liu feto. Civil Society Education Partnership (CSEP) hanesan Redi Edukasaun nasional ne'ebe servisu iha setor edukasaun kondena aktu professor eskola EBF 214 Hatulia, Ermera ne'ebe laiha disiplina ba ninia estudante rasik. 

Laiha razaun ba kualker profesor ou responsavel eskola nian ida hatudu aktu kriminozu ba estudante ida iha nasaun demokratiku ida ne'e tamba lei baze da educacao garante ba ema hotu iha Timor-Leste atu asesu ba edukasaun tantu nia beik, matenek, riku, kiak, feto no mane la hare ba klasse sosial. 

Professor bele esplika razaun rihun ida maibe laos ho aktu sira krime hanesan ne'e, se kualker aktu krimi ruma ne'ebe akontese iha rai ida ne'e tenki submete ba prosesu justisa atu hetan lia los. 

HAPARA VIOLENSIA HASORU LABARIK ESTUDANTE NO FETO IHA TIMOR-LESTE.

 

Diresaun CSEP

Rua. Delta II, Dili
Nu. Kontaktu : +67075025697 | 77317518

Haruka Mesazen Mai Ami !

Name

Email *

Message *