Civil Society Education Partnership (CSEP) rekomenda ba Ministeriu Edukasaun, Joventude no Desportu (MEJD) atu reativa hikas programa Eskola ba Uma liu husi televisaun no radio hanesan tinan kotuk 2020 relasiona ho situasaun emerjensia ne’ebé impaktu husi pandemia global COVID-19 ne’ebé komesa aumenta ba bebeik kada loron.
Eskola sira iha fatin barak mak taka liu-liu iha
munisipiu Covalima ho Dili no ita seidauk hatene ba oin situasaun lockdown ne’e bainhira los mak bele hotu . Iha tempu ne’ebé hapara prosesu aprendizajem, estudante
sira iha uma deit no la halo buat ida, tamba ne’e maka hanesan organizasaun
sosiedade sivíl CSEP ne’ebé servisu iha area advokasia ba setór edukasaun hato’o
rekomendasaun ida ne’e ba MEJD atu konsidera hodi nune’e estudante sir abele asesu
materia aprendizajem iha uma deit liu husi radio no televisaun.
Iha
tempu hanesan, CSEP enkoraza estudante sira tantu husi pre-eskolar to iha nivel
universitáriu atu fo tempu barak ba estuda iha uma hodi kontinua aproveita
matéria ruma durante lockdown. Husu mos ba inan aman sira atu motiva oan sira
estuda tamba realidade iha pasadu kuandu tempu lockdown iha tinan kotuk labarik
estudante sira aproveita halimar deit no la halo buat ida iha uma.
Situasaun
bele oinsa mos laiha razaun atu husik edukasaun hanesan ne’e deit tamba
edukasaun hanesan direitu humanu ida ne’ebé ema hotu tenki aproveita ho diak
tuir preferensia.
~REMATA~
