Civil Society Education Partnership (CSEP) oferese treinamentu "Budget Tracking, Analysis no Advokasia ba membru CSEP 15 no hamutuk ho representante joventude marjinalizadu husi munisipiu 12 no RAEOA ne'ebe realiza iha MAHON Training Center, Bairro pite, Dili husi 28-29 de Julho de 2020. Objetivu husi treinamentu ne'e atu hasa'e konyesementu membru CSEP inklui joventude sira nian iha area analiza no advokasia orsamentu do estado iha setor edukasaun nian iha futuru. CSEP hamutuk ho ninia membru sira ativu nanis ona halo servisu advokasia iha setor edukasaun, maibe iha biban ida ne'e hanesan kontinua haforsa tan abilidade membru sira nian atu aban bainrua membru organizasaun sosiedade sivil sira ne'e bele ativu diak liu tan iha servisu monitorizasaun, peskiza no advokasia atu asegura transparansia no akuntabilidade ba implementasaun ou ezekusaun OGE ho los no tuir lei.
Treinamentu ne'e fasilita husi fasilitador nasional no mos peritu internasional husi Asia South Pacific Association for Basic and Adult Education (ASPBAE).
