Civil Society Education Partnership (CSEP) nia official peskiza no advokasia sr. Feliciano Soares no Program Officer sr. Antonio Cardoso, partisipa iha grupu diskusaun ne’ebé organiza husi Ministeriu Edukasaun no UNICEF ne’ebé mak halo parseria servisu hamutuk ho GPE hodi haree kona-ba servisu parseria ne’ebé durante ne’e GPE ho Ministerio Edukasaun hahu ona no haree hamutuk ba futuru kontinuasaun servisu hamutuk no apoiu sira husi GPE mai Governu Timor Leste iha seitor edukasaun. Atividade ne’e realiza iha Maubara Room, Timor Plaza, Dili iha loron 23 Juñu 2026. 

Okaziaun ida ne’e Sr. Feliciano Soares mós hato’o nia apresiasaun ba GPE ne’ebé durante ne’e apoiu ba governu Timor-Leste liu husi Ministeriu Edukasaun hodi dezenvolve setór edukasaun iha  Timor-Leste nune’e bele ajuda governu Timor-Leste atinji ninia polítika sira kona-ba asegura edukasaun ida kualidade no asesivel ba Timor oan hotu hodi hatan ba filozofia ida la husik sidadaun ida hela iha kotuk. Alende ne’e nia mos partilla pontu de vista sira liga ho implementasaun politika edukasaun inkluziva liu-liu dezáfiu sira iha kontestu implementasaun polítika edukasaun iha Timor-Leste bazeia ba CSEP nia rezultadu servisu monitorizasaun ne’ebé halao iha tinan 2025 deskobre problema sira hanesan falta infra-estrutura eskola ne’ebé adekuadu, rekursu humanu iha area edukasaun inkluziva, fasilidade apredijajen, teknolojia ICT iha eskola ne’ebé la asesivél sai nu’udar problema krusiál ida iha implementasaun polítika edukasaun inkluziva.

Tanba ne’e nia husu Ministeriu Edukasaun hanesan nain ba programa atu kontinua injeta orsamentu barak liu tan hodi bele sustentabiliza programa hirak ne’ebé mak liu husi fundu GPE hahu ona, nune’e wainhira ba futuru kuandu GPE la kontinua apoiu programa importante sira ne’ebé mak Ministeriu Edukasaun bele kontinua ho OJE ne’ebé Ministeriu Edukasaun iha hodi kontinua implementa

Civil Society Education Partnership (CSEP) hamutuk ho Gabinete Ministerio Edukasaun, nomos membru NGO Milenial Youth Asosiation (MYA) no Fundasaun MAHON, distribui Solar Buddy ne’ebé apoiu husi Solar Buddy no Spend It Well Foundation husi Australia hamutuk 1000 ba estudante Ensino Basico Filial sira iha eskola 5 hanesan EBF Hatulai-Lete, EBF Ura-Hou, EBF Mauhoda, EBF Leguimea no EBF Abrão Salsinha iha munisipiu Ermera. Distribuisaun Ahi Oan (Solar Buddy) ida ne’e objetivu atu ajuda estudante sira hodi utiliza ba estuda iha tempu kalan bainhira eletrisidade mate.

Sr. Rosalino de Carvalho Sombai, hanesan Koordenador EBF nú. 680 Hetulai-Lete ne’ebe lidera estudante hamutuk 199 pessoas (mane 105 no feto 94) ne’e expresa sentimentu kontenti wainhira ninia estudante sira hotu-hotu hetan ona apoio ahi-oan Solar Buddy refere tamba ajuda ona estudantes hirak ne’e atu uza iha tempu kalan ba estuda inklui ba nesesidade uma laran nian. 

Membru Civil Society Education Partnershi (CSEP), realiza semináriu nasionál ho tema Progresu no Dezafiu atinjimentu ODS-4 iha Timor-Leste ne’ebé organiza husi Asosiasaun Ramelau Oan Moris Domin  Timor-Leste (AROMD-TL) iha loron tersa, 9 Juñu 2026, iha Caicoli Dili.

Iha semináriu ne’e Diretor AROMD-TL, Sr. Gaspar da Costa Pacheco.. hato’o nia intervensaun ba atividade ne’e mak atu fahe informasaun kona-ba edukasaun tanba edukasaun nu’udar fatór importante ba dezenvolvimentu nasaun nian. Tanba ne’e liu husi semináriu ida ne’e bele loke liu tan partisipante sira nia hanoin hodi investe sira nia-án  iha aréa edukasaun nian.  Edukasaun mós nu’udar baze fundamental atu garante futuru joven Timor-oan hotu nian. Tanba ne’e presiza ema hotu nia kontribuisaun husi governu, sosiedade sivil nomós inan sira atu servisu hamutuk hodi tau prioridade ba edukasaun atu bele lori mudansa ruma ba Timor-Leste. 

Iha Fatin hanesan Coordenador Nasionál, Jose de Jesus S.T M.M mós hato’o nia intervensaun katak Sosiedade Civil nia papél  importante mak sai auditor-social ba implementasaun programa governu nian ne’ebé uza orsamentu estadu nian hanaran OGE, liu husi monitorizasaun, peskiza no advokasia ba interese públiku. Enkuantu, Kualidade edukasaun sei menus iha Timor-Leste tanba ne’e sosiedade sivil nia papél mak atu hasa’e foin sa’e no labarik sira nia kapasidade liu husi fasilita formasaun naun-formal sira. Tanba ne’e nia husu atu kontinua tuir formasaun sira hodi bele hetan abilidade sufisiénte atu hetan servisu ruma ho dignu. Organizasaun Sociedade Civil sira iha Timor-Leste la’os deit halo protesta no advokasia maibe sira mos halo monitorizasaun no implementa direta programa dezenvolvimentu edukasional iha rai laran.

Semináriu nasionál ne’e iha mós aprezentasaun husi orador sira hanesan Dekanu Fakuldade Saúde Públika UNPAZ, Sr. Cipriano do Rossario Pacheco, AMG, Lic Sp, M.Kes, Membru konsellu CSEP no mós Asesor Prinsipál ba Presidente da República ho assuntu Social no Inkluzaun Sr. Gaspar Afonso, Program Officer CODIVA, Elang da Cruz nomós Coordenador Nacional CSEP, Sr. Jose de Jesus S.T M.M. Avo Lere Anan Timur hanesan Veteranu no programa ne’e mos partisipa másimu husi estudantes no professor, ONGs, Media no staff AROMDTL.

Iha Podcast FONGTIL, Coordenador nasional CSEP hatoo perspetiva CSEP nian ba edukasaun iha Timor Leste. Asesu iha Link hodi akompanha informasaun kompletu  https://www.youtube.com/watch?v=w-2mwQLT8uU

Civil Society Education Partnership (CSEP) liu husi nia membru ho naran Radio Povo Viqueque (RPV) implementa atividade Semináriu Munisipál iha munisípiu Viqueque ho tema “Prosesu Intervensaun Estratéjiku Edukasaun no Objetivu Dezenvolvimentu Sustentavel-ODS.4 Iha Timor-Leste” atividade ne’e hala’o iha salaun parokial Ti’I Lou Imaculada da Conceição, Viqueque, iha loron Quinta, 8 Maiu 2025.

Atvidade ho objetivu atu halo sosializasaun hodi fahe informasaun ba joven sira liu estudante sira, professor nomós autoridade sira kona-ba oinsa prosesu implementasaun edukasaun ne’ebé equitativu no inkluzivu no oinsa bele asegura kualidade edukasaun iha Timor-Leste.

Atividade ne’e marka prezensa direta husi Diretor Servisu Edukasaun Munisípiu Viqueque, Centru Juventude, estudante nomós professor sira inklui mos membru konsellu no staff ezekutivu CSEP.

Civil Society Education Partnership (CSEP) liu husi nia membru ONG ho naran Cablaqui Community Development Center (CCDC) realiza semináriu munisipál ho tema “ Progresu no Dezafiu Implementasaun Planu Estratéjiku Edukasaun Nasionál no Objetivu Dezenvolvimentu Sustentavel ODS-4” ne’ebé hala’o iha munisípiu Manufahi, iha loron 29 Abril 2025

Iha semináriu ne’e Vice Prezidente Konsellu CSEP, Sr. Francisco de Araujo hato’o nia intervensaun kona-ba lala’ok servisu CSEP nian nomós nia vizaun no misaun sira ne’ebé foka kona-ba area edukasaun nian iha Timor-Leste. Tuir nia edukasaun nu’udar setor importante ida iha Timor-Leste tanba ne’e governu presiza halo investimentu ba setor refere. Nune’e mós presiza investe tuir nia espesialidade sira atu bele eleva liu tan kualidade edukasaun iha Timor-Leste.

Atividade ne’e hetan partisipasaun másimu husi ONGs, Media, Estudante sekundariu, Universitáriu, juventude sira inklui mos staff CSEP

MEMBRU KONSELLU FISKÁL CSEP REALIZA REUNIAUN IKUS

Membru Civil Society Education Partnership (CSEP) naran ONG Action For Change Foundation (ACF)  implementa programa ho tema Sosializasaun Objetivu Dezenvolvimentu Sustentavel (ODS NO. 4) Asegura Kualidade no Edukasaun Inkluzivu iha Timor-Leste.

Objetivu prinsipál husi atividade ne’e atu koalia kona-ba progresu no dezafiu atinjimentu (ODS NO 4) Kualidade edukasaun iha Timor-Leste. Semináriu ne’e partisipa husi estudante nivel sekundariu, universitariu, ONGs, média no joventude sira hodi rona, fahe no diskusaun tópiku interesante kona-ba edukasaun, kualidade, dezafiu, progresu dezenvolvimentu edukasaun no inkluzividade.

Semináriu refere partisipa husi oradór na’in tolu mak hanesan Diretór Jeral Ministériu Edukasaun, Sr. Apolinário Serpa Rosa, Adjunta Gabinete Apoiu Sosiedade Civil Sra. Yasinta Luzinha C. das Regras nomós reprezentante Akademista Sr. Ananias Soares ne’ebé fahe sira nia opiniaun nomós perspetiva kona-ba kualidade edukasaun ne’ebé eziste iha territoriu Timor-Leste

Salaun Asosiasaun HAK, Farol, (2 Julho 2024).

Civil Society Education Partnership (CSEP) loke tenderizasaun ba servisu sira hanesan iha lista ne’e no ba kompania local sira ne’ebé iha lisensa aktividade negosiu relevante bele aplika mai iha CSEP liu husi Email : cseptl.net@gmail.com

Data limite ba simu proposta nian too deit iha 14 de Junho de 2024.

Civil Society Education Partnership (CSEP) realiza treinamentu kolesaun dadus ba membru peskizador sira husi munisipiu 12 inklui RAEOA no Atauro hirak ne’ebé hamahan-an iha Rede Edukasaun CSEP kona-ba oinsa atu kolekta dadus ho di’ak ba aktividade peskiza ne’ebé ho tipu rua hanesan "Peskiza ba implementasaun projetu konstrusaun eskola komunitaria no ezistensia ICT iha eskola Sekundaria iha Timor-Leste". Atividade ne’e hala’o iha salaun FONGTIL Caicoli, 24 Maiu 2024.

Membru Konselu Civil Society Education Partership (CSEP) na’in 5 realiza reuniaun datoluk ba fulan Maiu 2024 nian hodi diskuti kona-ba atividade nivel nasionál, rejionál no globál, inklui mós kapasitasaun ba Membru Rede Edukasaun CSEP no aprova kalendáriu ezekusaun fundus CSEP 2024 nian. Sorumutu ne’e hala’o iha sala enkontru CSEP, 9 Maiu 2024

Civil Society Education Patnership (CSEP) nu’udar organizasaun sociedade civil ne’ebé servisu tau matan ba dezenvolvimentu setór edukasaun iha Timor-Leste lamenta tebes ho sidadaun ou militante Partidu CNRT sira ne’ebé tenta atu halo abuzu de poder iha instituisaun governu liu-liu Ministério Edukasaun ba pozisaun Professor / Manorin liu husi dalan ilegal.

Pozisaun ida Professor/Manorin ne’e lolos tenki mai husi méritu adadémiku ida espesiál no la’os liu husi dalan “Rekomendasaun Partidaria” Favor hapara privatizasaun iha edukasaun tanba Timor-oan hotu-hotu iha direitu atu asesu oportunidade edukativa, kualidade no equidade tuir Konstituisaun RDTL.

Iha parte seluk, Professor/a kontratadu rihun ba rihun maka lakon ona sira nia oportunidade hanorin afeita husi desijaun Ministeriu Edukasaun nian hodi hakotu sira nia kontratu servisu no barak mós lakon iha teste durante kompete iha vaga atu sai manorin.

CSEP husu ba Polítiku sira atu kontinua prátika profesionalizmu iha instituisaun estadu hotu-hotu hodi asegura boa governasaun, hakribi KKN, hakribi deskriminasaun hasoru maluk Timor-oan sira seluk, foku ba dezenvolvimentu futuru RDTL ho justu no laran moos hamutuk ho povu.

Ikus liu – RDTL ba Timor-oan Hotu !

Media CSEP, 06 de Maio de 2024 

English Below;

CSEP realiza Inkontru Annual Membru CSEP 2022 no Interkambiu entre membru CSEP ho OSC iha RAEOA hamutuk ho membru NGO 14 iha Rejiaun Administrativa Enclave Oecussi Ambeno (RAEOA) ne’ebé partisipa husi reprezentante Presidente RAEOA Sr. Jose Eta, reprezentante Director FONGTIL Sr. Tito, Assesor Prinsipal Assuntu Inluzaun Social ba Presidente da República Sr. Gaspar Afonso, NGO sira iha Oecusi Ambeno, media no Universidade DIT.

RAEOA, 22-25 de Novembro de 2022.

 .................................................................................................................................................................

CSEP is realizing the Annual Membership Meeting 2022 and the Exchange program between CSEP and the CSOs in RAEOA together with 14 CSEP members in Rejiaun Administrativa Enclave Oecussi Ambeno (RAEOA) that is participated by the representative of President of Authority of RAEOA Mr Jose Eta, the representative of Executive Director of FONGTIL Mr. Tito, Special Advisor on Social Inclusion for the Office of President Mr. Gaspar Afonso, NGOs in RAEOA, media and the students from Dili Institute of Technology (DIT) in RAEOA.

 RAEOA, 22-25 November 2022.

English below;

Civil Society Education Partnership (CSEP) suporta membru Forum Joventude Marjinalizadu (FJM) realiza Assembleia Geral Membru ba dahuluk ne’ebé representante joventude sira mai husi munisipiu 12 (seidauk inklui RAEOA) ho intensaun atu halo no aprova estatutu FJM nian hanesan Redi Joventude ida iha Timor-Leste hodi sai lian ba joventude lian laék sira.

Existensia husi Forum FJM ne'e atu apoiu no servisu advokasia ba assuntu dezenvolvimentu joventude, emprendorismu, mudansa klimatika, edukasaun, turizmu no setor produtivu sira seluk hodi muda joventude sira husi situasaun marjinalizadu iha Timor-Leste.

Iha eventu AGM ne’e partisipa husi membru FJM husi munisipiu 12, membru CSEP 13, Presidente Conselho Nacional Joventude Timor-Leste (CNJTL), Asociação Halibur Defisiénsia Matan Timor-Leste (AHDMTL) no media hamutuk nain 59 ne’ebé realiza iha Centru Treinamentu MAHON, Bairro pite, Dili, 04 de Otoubru de 2021.

English:

MARGINALIZED YOUTH FORUM (MYF) AND THE CIVIL SOCIETY EDUCATION PARTNERSHIP (CSEP) REALIZED A FIRST GENERAL ASSEMBLY (GA)

Civil Society Education Partnership (CSEP) and the member of Marginalized Youth Forum (MYF) realized a first general Assembly by the marginalized youth representatives from 12 municipalities (not yet included (RAEOA) with the objectives to compose and approve the MYF’s statutes to be a National Youth Network in Timor-Leste and to be voice for those voiceless youth.

The existence of this MYF forum is to support and advocate for the important youth issues on youth development, empowerment, climate change, education, tourism and other relevant productive sectors to withdraw marginalized youth from the situations that they currently facing in Timor-Leste. 

The event was participated by the 59 youth representatives from 12 municipalities across the country, 13 CSEP’s NGO members, the President of National Youth Council, Disability organization namely AHDMTL and media that held at MAHON Training Center, Bairro pite, Dili on October 4^th, 2021.

~ END~

Civil Society Education Partnership (CSEP) hamutuk ho Forum Juventude Marzinalijado (FJM) Munisipio Covalima realiza semináriu loron ida hodi informa no konsulta progresu no disafiu implementasaun Objetivu Dezenvolvimentu Sustentavel dahat (ODS-4) no Planu Estratejiku Edukasaun Nasional (PEEN) ou National Education Strategic Plan (NESP) 2011-2030 durante tempu pandemia global. 

Semináriu hirak ne’e mos realiza tiha ona iha Munisipiu Ainaro, Manufahi, Manatuto no ohin iha loron 14 de Setembro de 2021 realiza tán iha Munisipiu Covalima. Semináriu ne’e rasik abertura husi Administrador Munisipiu Covalima. Semináriu ida ne’e hetan partisipasaun mos husi Administrador Munisipiu Covalima, Estudante Pre- Secundario, Secundariu, Diretor SEPFOPE, Diretor Sentru Joventude no CSEP au mesmo tempo hanesan mos orador iha eventu ida ne’e no hetan partisipasaun husi Autoridade Lokal, Juventude sira no media iha Municpio Covalima laran.

Durante diskusaun, estudante no professor sira preokupa barak liu kona-ba sistema edukasaun no kualidade edukasaun nian ne'ebe ladiak inklui infrastrutura, fasilidade, kapasidade professor, inklusividade no finansiamentu edukasaun ne'ebe limitadu ou la sufisiente atu resolve problema edukasaun nian ne'ebe komplexu tebes iha ita nia rain. Iha parte seluk, partisipante sira preokupa ho impasse politika ne'ebe dura tempu naruk inklui mós impaktu surtu COVID-19 no desijaun EE, SS no KO ne'ebe aplika iha ita nia rai laran.

                                                                           “ Remata”